Guardiola tregon se kur do të largohet nga Manchester City

Josep Guardiola, i cili drejton Manchester City, ka folur për rrethanat në të cilat mund të përfundojë bashkëpunimin me klubin anglez.

“Kur të kuptoj se diçka është prishur në mekanizëm, do të largohem nga klubi. Nuk do të zgjatem si Wenger apo Ferguson. Një kontratë është thjesht letër. Nënshkrova një kontratë të re sepse ndjeva se mund të luanim edhe më mirë. Por gjithçka varet nga rezultatet. Nëse lodhemi nga njëri-tjetri, nuk do të qëndroj deri në fund të marrëveshjes”, raporton ai për BBC.

Guardiola nënshkroi një kontratë të re me Manchester City në vjeshtë. Kontrata mes palëve llogaritet deri në mesin e vitit 2025. /G.D abcnews.al/