Manchester City ka arritur të ndërtojë një ekip pranë perfektes, por ende u mungon një qendërsulmues. Erling Haaland është dëshira e madhe, por duket se këtë verë është e pamundur për të mbërritur te ai.
Më pas u provua Harry Kane, por edhe anglezi po shkon çdo ditë e më larg për shkak të kundërshtisë së Tottenham. Nga Gjermania raportohet se Robert Lewandowski po kërkon sfidë të re dhe ribashkimi me Guardiolan është një mundësi.
Së fundmi në konferencë për shtyp Guardiola është pyetur rreth transferimit të mundshëm të polakut në “Etihad Stadium”. Përgjigja e tij është e prerë: “Le të kalojmë në pyetjen tjetër. Lewy është shumë i rëndësishëm për Bayern dhe do qëndrojë atje”. /abcnews.al
