Loading ...Protestuesit nga “Rruga e Durrësit”, ku hodhën gurë e fishekzjarrë drejt godinës së Ministrisë së Arsimit, kanë nisur marshimin drejt bulevardit “Dëshmorët e Kombit” para Kryeministrisë, atje ku dhe startoi tubimi i kësaj të shtune, 24 tetor.
Siç shihet dhe nga pamjet e siguruara në terren nga ABC News, ndryshe nga protestat e ditëve më parë, numri i të rinjve, ose siç quhet ndryshe “grupi i TikTok-ut” është shumë i pakët, gati i papërfillshëm. Nga ana tjetër shihet një distancim mes protestuesve dhe grupit të dhunës.
Ndërkohë që më herët u shënuan përplasje modeste mes policisë dhe protestuesve, ku këta të fundit hodhën gurë drejt godinës së Ministrisë së Arsimit.
