Mjeku shqiptar në Londër, Adrian Fandi në një intervistë për ABC këtë të enjte ka dhënë detaje në lidhje me përhapjen e variantit të ri të koronavirusit.
Fandi në bisedën e tij me gazetaren Juli Xhokaxhi është shprehur se varianti i ri ka prekur kryesisht grupmoshat nga 24-30 vjeç pasi ishin dhe personat të cilët nuk ruheshin.
Ndër të tjera ai ka theksuar se simptomat dhe mënyra e terapisë është e njëjtë me koronavirusin vetëm se është një virus që zgjat më shumë në kohë.
“Varianti i ri që tashmë është bërë i vjetër pasi në shtator pati daljen e tij dhe shpërthimin e pati në nëntor dhe ne patëm sëmundjen e pacientëve të moshave të reja që nuk kishin sëmundje të tjera shoqëruese. Kishte një dyndje të moshave të reja dhe ulje të pacientëve të moshave të mëdha. Varianti i ri ishte më i përhapshëm mes të rinjve pasi nuk ruheshin me idenë se nuk i gjente gjë, Ndërsa moshat e vjetra që e pësuan në fazën e parë e ruajtën më shumë veten.
Është rritur shumë densiteti i të rinjve ku njerëzit sëmuren dhe shfaqin simptoma të rënda dhe një pjesë e madhe e tyre thonë se virusi nuk ekzistonte. Virusi sillet në të njëjtën mënyrë vetëm rritet sëmundshmeria më shumë. Varianti i ri sillet si ai ekzistues vetëm se zgjat 4-5 ditë më shumë. Nuk kemi pas raste riinfektimi dhe pse në literature kemi pas të tillë por nuk ka asnjë dignostifikim nëse një person ka qenë apo jo i infektuar me Covid. Është e rëndësishme që çdo tre muaj të bëhet testi serologjik për të parë sa antitrupa kemi”, ka thënë mjeku.
Ndër të tjera ai është shprehur se për të gjithë shqiptarët që jetojnë në Angli, problematike mbetet komunikimi me mjekun e familjes pasi për shkak të pandemisë çdo gjë është e kaluar online.
Ai theksoi se shqiptarët pa dokumente dhe ato që s’janë të regjistruar në sistemin shëndetësore e kanë më problem lidhjen për marrjen e vaksinës dhe të shërbimeve të tjera mjekësore.
“Unë kam hapur një studio për shqiptarët me dhe pa dokumente, Britania e Madhe ka një vit që mjeku i familjes është vetëm online.
Komuniteti shqiptar një gjë të tillë nuk e ka përjetuar mirë, unë kam hapur që në nëntor studion që u mirëprit nga komuniteti shqiptar që vijnë dhe sidomos ato që nuk kanë dokumente dhe nuk mund të shkojnë në spital.
Ne kemi një shoqatë që kontakton qeverinë angleze për njerëzit që nuk kanë dokumente për tu vaksinuar.
Unë do të ofroj studion time për këtë program për të bërë të mundur dhe vaksinimin e komunitetit shqiptar pa letra në Angli. Por ka dhe shumë shqiptarë që kanë riemigruar nga Greqia dhe Italia që nuk janë të regjistruar në sistemin mjeksorë”, është shprehur ndër të tjera ai. e.su./abcnews.al
