Antoine Griezmann nuk është ai i Atletico Madrid dhe këtë e thonë shifrat. Analiza e paraqitjeve të tij mund të bëhet më gjerësisht dhe ndoshta nuk është faji i tij tërësisht. Mënyra e lojës është tjetër deh normalisht pjesa më e madhe e topave kalojnë nga Lionel Messi.
Në takimin e fundit kundër Atletico Madrid ai u hodh në fushë vetëm në minutat e fundit, duke treguar situatën e vështirë që po kalon. Trajneri Setien i ka dalë shpesh krah, por kjo nuk mjafton për të frenuar zërat e merkatos. Sidomos në këtë periudhë.
LEXO EDHE: “Je thjesht pasagjer”, babai i Griezmann shpërthen ndaj Setien
Tashmë emri i Griezmann ka dalë si objektiv i dy skuadrave angleze, sikurse shkruan “Mundo Deportivo”. Manchester United dhe Manchester City janë interesuar për të blerë sulmuesin, që për momentin nuk lëshohet nga Barcelona.
Gjigantët anglezë duan të përfitojnë nga momenti dhe ta blejnë kampionin e botës për një çmim sa më të ulët. Katalanasit, në verë shpenzuan 120 milion euro dhe deri më tani në fushë nuk janë justifikuar nga Griezmann. /abcnews.al
