Sindikatat franceze kanë organizuar një sërë grevash dhe protestash masive ditën e sotme kundër planeve të presidentit Macron për të rritur më tej moshën e pensioneve, shkruan BBC.
Projekt-ligji i ri që do të kalojë në parlament do të rrisë moshën zyrtare të daljes në pension nga 62 në 64 vjeç. Shërbimet e trenave ndërqytetare dhe të udhëtarëve janë ndërprerë. Shumë shkolla dhe shërbime të tjera publike janë mbyllur. Në aeroportin Orly në Paris, një në pesë fluturime është anuluar.
Në metronë e Parisit vetëm dy linjat pa shofer funksionojnë normalisht. Demonstrata të mëdha me dhjetëra mijëra priten në Paris dhe qytete të tjera, ku policia do të jetë në gatishmëri në rast dhune.
Ndërkohë nxënësit e shkollave të mesme në Paris shprehën solidaritetin me punëtorët e grevës mbarëkombëtare në Francë në shenjë proteste kundër reformave të pensioneve.
Dhjetëra studentë u mblodhën përpara shkollës së mesme Helene Boucher në Parisin lindor, me pankarta që mbështesin lëvizjen anti-reformë.
Dita mbarëkombëtare e grevave dhe protestave është një provë e madhe për presidentin Emmanuel Macron, i cili thotë se reforma e tij kryesore, që sipas sondazheve nuk është shumë jopopullore, është jetike për të siguruar që sistemi i pensioneve të mos prishet.
/abcnews.al
