Gramsh, sërish thirrje për evakuim/ Ministria e Mbrojtjes: Banorët e fshatrave Ërmenj, Harunas dhe Zenelas të largohen nga banesat

Ministria e Mbrojtjes ka bërë thirrje sërish për evakuime në Gramsh, për shkak të përkeqësimit të situatës, lidhur me zjarret.

Përmes një njoftimi, ministria ka kërkuar që banorët e fshatrave Ërmenj, Harunas dhe Zenelas të largohen menjëherë nga banesat.

Ndër të tjera, ministria kërkon që banorët të bashkëpunojnë me autoritetet për evakuimin e sigurt.

“NJOFTIM URGJENT PËR EVAKUIM

📍Gramsh

Për shkak të zjarreve, banorët e fshatrave Ërmenj, Harunas dhe Zenelas të largohen menjëherë nga banesat dhe të bashkëpunojnë me autoritetet për evakuimin e sigurt.”, thuhet në njoftim./abcnews.al