Një hajdut ka terrorizuar 2 të moshuar në Gjirokastër që jetojnë në lagjen “Kodra e Shtufit”. Përmes dritares së tualetit në orën 3 të mëngjesit, një person i gjatë me pantallona të shkurta ka hyrë në banesën ku jeton me qira familja Shehu.
Ai grabiti 18.700 lekë dhe pasi u pikas nga zonja e shtëpisë, ai e dhunoi.
“Më mori lekët e qirase ku ti gjej tani, dhe peshoren që peshoj lakra, unë jam për në spital”, thotë një prej tyre.
“Ishim në gjumë këtë e zuri nga gryka dhe bërtiti. I ra të fikët në moment. Ai uli kokën dhe iku në moment. Unë u ngria u mora me këtë se i ra të fikët. Më pas gjeta derën hapur”.
Policia pas ngjarjes shoqëroi 6 persona si të dyshuar.
Në kohë rekord është bërë identifikimi dhe kapja e autorit
I dyshuari është një 32 vjecar. Ai quhet Vasil Kafarani dhe banon në Gjirokastër në lagjen 18 shtatori./abcnews.al
