Loading ...
Shumica e shqiptarëve mendojnë se SPAK është ndikuar nga opozita, lidhur me goditjen e zyrtarëve të qeverisë para zgjedhjeve.
Në “Zërin e Shqiptarëve”, u publikuan këtë të hënë përgjigjet e sondazhit me temë drejtësinë.
Pyetjes :SPAK ka marrë zyrtarë të qeverisë si të pandehur, të paraburgosur ose nën hetim para zgjedhjeve. Ç’mendoni për këtë?”
45 përqind janë përgjigjur se SPAK ndikohet nga trysnia e opozitës, 37.2 përqind e shohin si shenjë pavarësie, ndërsa 17.8 përqind mendojnë se Prokuroria e Posaçme shfrytëzon kalendarin elektoral për të fituar pikë në publik.
Linku i pyetësorit u shpërnda me SMS të rastësishme, proporcionalisht në 61 bashkitë e vendit, ku pyetësori u plotësua elektronikisht në mënyrë krejt anonime nga të anketuarit.
Sondazhit iu nënshtruan 1313 banorë të rritur. Vlen të theksohet se maksimumi i marzhit të gabimit statistikor: është plus/minus 2.6 përqind./abcnews.al
