Një 17 vjeçar shqiptar është arrestuar nga policia greke pasi akuzohet për grabitje dhe për plagosjen me thikë të një 18 vjeçari. Sipas mediave greke shqiptari ka plagosur me thikë dy ditë më parë një bashkëmoshatar të tij në Akropolis .
Ndalimi i tij është bërë në banesën ku ai jetonte në Agios Panteleimonas, ku gjatë kontrollit u gjetën edhe rrobat e përgjakur që kishte veshur natën e sulmit të përgjakshëm.
Ai e ka pranuar aktin e tij dhe, siç tha ai, kur i është afruar viktimës dhe i ka kërkuar celularin që kishte në çantë dhe ai ka tentuar të ikte, 18-vjeçari i është ngatërruar në duar çanta dhe aty ka ndodhur dhe plagosja.
Autori , siç konstatohet nga hetimet e policëve me përvojë të Nëndrejtorit të Sigurimit të Athinës, shënohet për një grabitje në vitin 2022 në Ilion, kur ka rrëmbyer një celular me thikë dhe një vjedhje celulari në Agios Panteleimonas . Ai është nxënës i Liceut, me identitet grek dhe origjinë nga Shqipëria, ndërsa është fëmijë i një familjeje të varfër me nënë shtëpiake dhe baba që punon me kohë të pjesshme në ndërtim.
Në të njëjtën kohë, autori i dytë gjithashtu me origjinë shqiptare mohon përfshirjen e tij, me shpresën se shoku i arrestuar do t’i marrë të gjitha mbi vete dhe kështu do t’i shpëtojë paraburgimit./abcnews.al
