Loading ...
Fluturimet në aeroportin kryesor të Dubait janë pezulluar përkohësisht pasi një dron goditi një rezervuar karburanti pranë aeroportit, duke shkaktuar zjarr në zonë.
Sipas mediave, shërbimet e emergjencës ndërhynë menjëherë për të vënë nën kontroll flakët pas një “incidenti të lidhur me dronin” në afërsi të aeroportit. Në një postim në rrjetin social X, autoritetet konfirmuan se u prek “një nga rezervuarët e karburantit”, ndërsa deri tani nuk raportohet për persona të lënduar.
Autoritetet e aeroportit theksuan se fluturimet janë pezulluar përkohësisht si masë paraprake, duke u bërë thirrje pasagjerëve të qëndrojnë larg zonës deri në një njoftim të dytë.
Si pasojë e situatës, disa avionë janë devijuar drejt Al Maktoum International Airport, aeroporti tjetër i madh i Dubait.
Ky është incidenti i tretë i ngjashëm që ndodh në aeroport që nga fillimi i tensioneve dhe luftës në Iran.
View this post on Instagram
