Skuadra e Ballkanit po mendon të ndërtojë një grup shumë kompetitiv, teksa vetëm pak ditë më parë në krye të skuadrës është vendosur ish-trajneri i Partizanit, Ilir Daja.
Menjëherë pas prezantimit të trajnerit të ri, drejtuesit e Ballkanit kanë filluar nga puna për të sjellë në skuadër lojtarë që Daja kërkon.
Sipas “GazetaBlic Sport” raportojnë ekskluzivisht se Ballkani është shumë pranë transferimit të mbrojtësit të njohur shqiptar, Emiljano Musta.
29-vjeçari nuk është më në planet e skuadrës së kuqe për pjesën e mbetur të sezonit dhe një largim nga demat e kryeqytetit duket i pashmangshëm.
Nga interesimi i Ballkanit, Musta mund të preferojë të zbarkojë në Kosovë aty ku do të ribashkohej përsëri me trajnerin Daja. /f.a/abcnews.al
