Ditën e sotme në orën 17:45 do të luhet edhe gjysmëfinalja e parë e Kupës së Shqipërisë mes Teutës dhe Laçit, takim që do të shikojë durrsakët e Renato Arapit të kthehen në shtëpinë e tyre “Niko Dovana”.
Një përballje që pritet të jetë e luftuar deri në fund, me skuadrat që kërkojnë edhe fitoren për të shpresuar në kalimin në finale të Kupës.
Për djemtë e detit, ky trofe është “shpëtimi” i sezonit si një mundësi shumë e mirë për të siguruar një vend në europë, pasi nga kampionati vendet tashmë janë rezervuar. Me kthimin në shtëpi pas disa muajsh “shtregtimi” do të kërkohet edhe fitoja e këtij dueli.
Ndërkohë nga ana tjetër kurbinasit e Mirel Josës do të kërkojnë të bëjnë autokrikikën ndaj Teutës për atë humbjen që durrsakët iu shkaktuan në kampionat 1-0. Që nga ajo disfatë në Air Albania me Tiranën Laçi shënon 5 ndeshje pa fitore, dhe në kampin kurbinas shpresojnë që pauza të ketë shërbyer për tu kthyer në rrugën drejt suksesit. /f.a/abcnews.al
