Gjysmëfinalet e Kupës së Kosovës kanë prodhuar rezultate shumë interesante, pasi skuadrat udhëtuese kanë triumfuar dhe do kërkojnë që në kthim në shtëpi të “vulosin” kualifikimin në finale.
Prishtina, fituese në fuqi e Kupës së Kosovës, është mposhtur nga Llapi me rezultatin 2-3. Bardhekaltrit e kanë mbajtur të hapur çështjen e kualifikimit falë një goli të shënuar në fundin e ndeshjes.
Ekipi nga Podujeva arriti të shënonte tre gola, për gati një orë lojë. Ahmed Januzi ndëshkoi dy herë skuadrën e tij, ndërsa më pas realizoi edhe Shabani. Prishtina reagoi për dy minuta me Prapashticën, kurse në minutën e 90-të Pefqeli ringjalli shpresat e vendasve për ndeshjen e kthimit.
Takimi tjetër, mes skuadrave të ligës së parë, u mbyll me fitoren e Dukagjinit ndaj Istogut. Skuadra e drejtuar nga Armand Dallku triumfoi me rezultatin 1-2 dhe fatet e ndeshjes i vendosi mbrojtësi Elton Basriu, i cili ka luajtur edhe në Superiore.
Më parë Merlaku kishte shënuar në portën e Istogu, kurse Jahaj me penallti nuk ia doli të barazonte. Mazrekaj shënoi pesë minuta më pas, por Dukagjini riktheu epërsinë dhe tani është pranë finales së Kupës së Kosovës. /abcnews.al
Kupa e Kosovës – Faza gjysmëfinale
Istogu-Dukagjini 1-2
Shënues: Mazrekaj 75’ / Merlaku 28’, Basriu 77’
Prishtina-Llapi 2-3
Shënues: Prapashtica 65’, Pefqeli 90’ / Januzi 6’, 57’, Shabani 63’
