Më shumë se gjysma e pacientëve me koronavirus të shtruar në spital janë nga 35 në 55 vjeç. Ndryshe nga dy valët e parë të Covid 19, infeksionistja Ermira Muço Mino, tregon se dy muajt e fundit është ulur mosha e pacientëve që kanë nevojë për ndihmë të specializuar dhe është rritur numri i të prekurve pa sëmundje të tjera në gjendje të rëndë shëndetësore.
Aktualisht në dy spitalet Covid po mbahen nën mbikëqyrjen e mjekëve dhe dy gra lehona. Numri i urgjencave që paraqiten në 24 orë në spitalet Covid dy javët e fundit ka shkuar në rreth 20. Thuajse të gjithë pacientët sipas mjekëve ndodhen në gjendje të rënduar shëndetësore.
Në 95 % të rasteve ata tregojnë se janë të pavaksinuar. Aktualisht numri i të sëmurëve aktiv me koronavirus i ka kaluar 7 mijë persona dhe rreth 160 prej tyre po trajtohen në spital./ Abcnews.al
