Sali Berisha u paraqit të martën në Prokuorinë e Posacme, SPAK, me kërkesë të Prokurorit Elvin Gokaj, i cili po zhvillon hetime paraprake mbi një kallëzim të gjyqtares së Posaçme Irena Gjoka, lidhur me shpifjen e bërë nga vajza e Berishës Argita Malltezi.
Kreu I PD-së, u mor në pyetje për rreth një orë, mbi procedimin penal që është regjistruar një vit më parë nga Prokuroria e Posaçme, pas deklaratës së bërë nga Argita Malltezi ku thoshte se gjyqtarja ka marrë rryshfet 500 mijë euro nga një eksponent i PS.
Por pas daljes nga Prokuroria e Posaçme, Sali Berisha, jo vetëm që nuk u tërhoq nga akuzat ndaj Gjyqatres Gjoka, por madje ashpërsoi fyerjet ndaj saj/
“A ke ti ndonjë bisedë me Alket Hysenin ku flitet për 500 mijë euro ryshfet apo e ke Mirel Mërtirin. Këtë Irena me 5 mbiemra e ka marrë si fyerje dhe ushtrimin e funksionit timin publik si kryetar i partisë më të madhe opozitare. Një mashtruese ordinere, delikuente klasike, person që e ka vendin në burg, e nxitur nga Rama dhe Troplini ngre padi ndaj meje për fyerje”,
Irena Gjoka, ka qenë gjyqtarja e hetimit paraprak për aferën Partizani, dhe po ajo ka vendosur dhe masat e para të sigurisë ndaj Berishës dhe dhëndrit të tij Jamarbër Malltezi. Gjyqtarja ka qenë shpesh objekt i sulmit nga Berisha dhe vajza e tij.
Çështja për fyrejet ndaj Irena Gjokës, është në hetim paraprak, por mund të përfundojë deri në akuzë penale për Berishën dhe vajzën e tij. Sipas ligjit, Fyerja e gjyqtarit apo anëtarëve të trupit gjykues, prokurorit, përbën kundërvajtje penale dhe dënohet me gjobë ose me burgim gjer në tre muaj.
