Gjykata e Posaçme Kundër Korrupsionit dhe Krimit të Organizuar ka pranuar kërkesën e SPAK për sekuestron e “blindit” të Lulzim Berishës.
Vendimi për sekuestrimin është marrë ditën e sotme nga gjyqtarja Ilirjana Olldashi.
Pas vendimit ka reaguar avokati i tij, Detar Hysi, i cili është shprehur se të ardhurat për blerjen e sendit janë të deklaruara.
“Do ankimojmë vendimin, të ardhurat për blerjen e mjetit janë të gjitha të ligjshme dhe të deklaruara”, është shprehur avokati.
Më 4 shkurt Zyrtarisht OFL i dërgoi formularët për deklarimin e pasurisë për Lulzim Berishën dhe Ardjan Çapjan.
Bashkë me formularin avokati mbrojtës i Berishës dorëzoi edhe një dokument të lëshuar nga kadastra e Durrësi ku rezultonte se nuk ka asnjë pronë të regjistruar pranë zyrës shtetërore.
Berisha u dënua në 2012 me burgim të përjetshëm, por më pas u lirua me kusht.
