TIRANË- Gjykata e Tiranës denoi me 2 vite e 6 muaj burg ish zyrtaren e financave, Alda Klosi, qe u gjet fajtore për mosdeklarim dhe fshehje të pasurisë. Megjithatë ish zyrtarja do të përfitojë nga gjykimi i shkurtuar uljen e një të tretës së dënimit, çka do të thotë se do vuaje vetëm 20 muaj burg. Alda Klosi u arrestua më 3 shkurt të 2023, ku me përllogaritjen e paraburgimit, asaj i kanë mbetur edhe disa javë për të vuajtur në qeli para se të lirohet .
Për sanitaren Rozeta Dobi, Prokuroria kërkoi dënim me 6 vite por Gjykata rriti marzhin e dënimit duke dhënë 7 vite heqje lirie, ndërsa për të birin Havierin 5 vite.
Ashtu si ish zyrtarja, edhe Rozeta e Havier Dobi përfitojnë nga gjykimi i shkurtuar, duke ulur kështu 1/3 e dënimit. Të dy ata akuzohen për vjedhje me pasoja të rënda, pasi në dhjetor të 2022 në banesën e tyre policia gjeti rreth 500 mijë euro, para të cila më pas rezultuan se ishin marrë tek shtëpia e Alda Klosi.
Para togave të zeza, Rozeta Dobi, kërkoi falje për veprimet e bëra ndërsa u shpreh paratë ia kishte dhënë për ti mbajtur vetë Alda Klosi e cila donte te fajesonte ish-bashkeshortin. Ndërsa Ish-zyrtarja i ka qendruar alibisë se paratë ja vodhi Rozeta Dobi.
Nga ana tjetër Prokuroria e Tiranës pak javë më parë kërkoi pushimin e çështjes për Alda Klosin për akuzën e pastrimit të parave, por gjykata nuk e ka pranuar duke kthyer dosjen për plotësim hetimesh dhe duke i lënë prokurorisë kohë 3 muaj./abcnews.al/
