Gjykata e Lartë ka refuzuar kërkesën e avokatëve të Ervin Salianjit, duke bërë kështu që ish-deputeti demokrat, të mbetet në burg.
Gazetari Ermal Vija raporton se vendimi është caktuar nga gjyqtari Sokol Binaj, ndërsa kërkesa u shqyrtua në Dhomë Këshillimi.
Në seancën e kaluar më 9 tetor, mbrojtja e Salianjit u tërhoq nga kërkesa për shtyrjen e vendimit të ekzekutimit të dënimit me burg, pasi objekti i kërkesës nuk qëndronte më me dorëzimin e ish-deputetit.
Salianji aktualisht po vuan dënimin në burgun e Fierit ku mbahet i izoluar që prej datës 27 shtator. Vendimi u dha nga Apeli me Juridiksion të Pergjithshëm që la në fuqi dënimin me 1 vit burg për akuzën e kallëzimit të rremë në lidhje me dosjen Babalja./ abcnews.al
