Loading ...
Vendosja e sigurimit personal “arrest me burg” nga gjykata pa u analizuar alternativat e tjera por vetëm me pohimi se është një masë e përshtatshme, duket se do të ndryshojë. Me një iniciatitv të kryetarit të Gjykatës së Lartë, Sokol Sadushi, I është shtuar për diskutim Kolegjeve të bashkuara, që të shihet praktiva e vendosjes së masës së arrestit me burg. Vendosja e kësaj masë aktualsiht bazohet në një vendim të Gjykatës së Lartë, të vitit 2011, por Sadushi në dpkumentin qëe mabn firmën e tij, thotë se prej atëherë ;legislacioni shqiptar ka pësuar ndryhsimet, ndërsa dhe shtrohet nevoja për vendosjen e masës, bazuar dhe Jurisprudencën detyruese të Gjykatës Evropiane të të Drejtave të Njeriut.
“Në rrethanat aktuale, nisma për ndryshimin e pjesshëm të vendimit unifikues nr. 7, datë 14.10.2011, justifikohet nga nevoja për të rikthyer parashikueshmërinë, kontrollueshmërinë dhe njëtrajtshmërinë e vendimmarrjes mbi masat e sigurimit personal në një fushë ku vendimi prek drejtpërdrejt lirinë personale.” vlerëson Sadushi.
Në vendimin unifikues të 2011 është mbajtur qëndrimi se gjatë shqyrtimit të masave të sigurimit, gjykata mund të mos analizojë alternativat, por mjafton të pohojë përshtatshmërinë e masës që vendos. Gjithashtu në atë vendim të atëhershëm është pohuar se edhe në rastin kur gjykata vendos caktimin e masës së “sigurimit arrest në burg”, nuk ka detyrim të analizojë në hollësi përse llojet e masave të tjera nuk janë të përshtatshme në çështjen në gjykim. Kjo bazuar rishikimit të procedurave, do të ndryshojë.
“Praktika gjyqësore duhet të reflektojë në mënyrë të qëndrueshme testin ligjor të domosdoshmërisë, proporcionalitetit dhe karakterit përjashtimor të “arrestit në burg”, si dhe standardin konventor të nenit 5 të KEDNJ-së, që kërkon arsyetim të individualizuar, shmangie të formulave stereotipe dhe shqyrtim real të alternativave.” thekson ai.
Para Kolegjeve të Bashkuara të Gjykatës së Lartë, në dokument, shtohen tre pyetje: nëse nenet përkatëse të Lodit të Porceudrës Penale, a janë në ërputhje me standardet e e Gjykatës Europiane të Njeirut, kur kërkohet ose vendoset masa e “arrestit në burg”, gjykata nuk ka detyrim të analizojë realisht masat alternative dhe mjafton të arsyetojë se masa e zgjedhur prej saj është e përshtatshme për rastin konkret?
Së dyti, a mund të nxirret “rrezikshmëria e veçantë e veprës dhe e të pandehurit”, si kriter për caktimin e masës së sigurimit “arrest në burg” pa një vlerësim konkret dhe të individualizuar të rrethanave të rastit dhe të personit?
Dhe së treti: Kujt i takon barra e justifikimit të nevojës për caktimin dhe vijimin e masës së “arrestit në burg” dhe qëndrimi sipas së cilit papërshtatshmëria e kësaj mase mund të pranohet vetëm nëse i pandehuri paraqet prova pozitive?
Vlerësimi i dokumentit dhe këto pyetje do të diskotohen më 9 prill, në një mbledhje të Kolegjeve të Bashkuara të Gjykatës së Lartë./abcnews.al
