Loading ...
GJKKO ka shpallur vendimin për një nga fraksionet e dosjes “Revanshi”.
Mësohet se Durim Bami është dënuar me 10.8 vite burg.
Ndërsa për anëtarët e tjerë janë dhënë dënimet;
Jozi Kraja, 4.8 vite burg
Aldo Avdylin, 4.8 vite burg
Oltiom Zefi, 10 vite burg
Edison Jozwik, 8 vite burg
Henerigert Mitri, 5.4 vite burg
Altin Morina, 6. vite burg
Dënimet e mësipërme janë përfundimtare ku janë përllogaritur edhe zbritja me 1/3 për shkak të gjykimit të shkurtuar
Të pandehurit e mësipërm u gjykuan me procedurë të shkurtuar ndërsa kjo formë gjykimi iu refuzua Marklen Hakës për shkak të veprës së rëndë, vrasje e mbetur në tentativë në kuadër të grupit të strukturuar kriminal në dëm të Durim Bamit. Për të çështja u veçua dhe po me gjykim të zakonshëm.
Zbardhja e komunikimeve në SKY ECC zbuloi disa grupe kriminale që ishin përfshirë në sigurim kushtesh për të kryer vrasje, kultivim narkotikësh në bashkëpunim me strukturat policore, atentate dhe episode të tjera kriminale.
Bëhet fjalë për 50 urdhëra arresti që u lëshuan nga SPAK, por proceset janë ndarë në disa fraksione.
Disa muaj më parë për një prej fraksioneve SPAK kërkoi 127.6 vite burg, ndër to emra të njohur të botës së krimit si Emiljano Shullazi, Gjergji Cukali, Astrit Avdyli, Xhelal Rraja, Viktor Imeraj etj.
