Pas përfundimit të sfidës Finlandë-Slloveni, sfidë e cila u fitua nga “nordikët” me rezultatin e pastër 2 me 0, mbrëmjen e sotme do të zhvillohen dhe 11 sfida të tjera të vlefshme për kualifikueset e Kampionatit evropian të futbollit, Euro 2024.
Kështu në grupin B, “gjelat” francezë të udhëhequr në fushën e lojës nga Olivier Giroud e Kylian Mbappe kanë përballë një kundërshtar të lehtë si Gjibraltari. Në përballjen tjetër të grupit B, “helenët” grekë do të presin në “shtëpinë” e tyre miqtë iralndezë.
Në grupin C, “3 luanët” e Anglisë do të udhëtojnë në transfertën e kollajtë malteze, aty ku synohen vetëm 3 pikët. Në krahun tjetër, Maqedonia e Veriut do të presë Kombëtaren ukrainase, në një përballje që nuk duhet humbur.
Përsa i përket grupit D, “dragonjtë” uellsianë do të presin në stadiumin e Kardifit, miqtë armenë, ndërsa Turqia e Hakan Calhanoglu ka përballë në transfertë një kundërshtar të lehtë si Letonia.
Ndërkaq, në grupin H, grupi ku bën pjesë dhe skuadra e Finlandës do të zhvillohen dhe 2 sfida të tjera, ku më konkretisht “vikingët” danezë do të presin në “shtëpinë” e tyre Irlandën e Veriut, ndërsa Kombëtarja e Kazakistanit do të udhëtojë drejt Italisë, ku do të ndeshet me San Marinon.
Formacionet zyrtare:
Grupi B
Gjibraltar – Francë
Greqi – Irlandë
Grupi C
Maltë – Angli
Maqedoni e Veriut – Ukrainë
Grupi D
Uells – Armeni
Letoni – Turqi
Grupi H
Danimarkë – Irlandë e Veriut
San Marino – Kazakistan
