Gjirokastra është një nga qytetet që ka shënuar numrin më të lartë të pushuesve vendas dhe të huaj gjatë këtij sezoni.
Gazetari i ABC News, Elidon Berberi raporton se nga janari deri në muajin korrik janë regjistruar 230 mijë turistë, gati 10 mijë më shumë se e njëjta periudhë e një viti më parë.
Ai shton se po ashtu edhe muaji gusht dhe shtator janë gjithashtu të rezervuara.
Zona më e preferuar nga turistët është pazari, ose zona muzeale, ku kanë mundësi të njihen me historinë e qytetit dhe padyshim kalaja.
Një nga problemet e hasura gjatë këtij sezoni, është mungesa e fuqisë punëtore.
“Gjirokastra shënon numrin më të lartë të turistëve vendas dhe të huaj. Turistë nga vende të Evropës dhe Botës janë njohur me historinë e qytetit.
Zona më e preferuar është pazari, ose zona muzeale.
Destinacioni kryesor në Gjirokastër është kalaja “Argjira”, që vizitohet nga të huajt dhe vendasit.
Ka qenë një numër shumë i lartë sa i përket periudhës Janar-Korrik. 230 mijë turistë, pa llogaritur muajin gusht, gati 10 mijë më shumë se e njëjta periudhë e vitit të kaluar.
Pritet që në Gjirokastër të këtë fluks edhe gjatë vjeshtës duke parë rezervimet që ata kanë kryer.
Sot është e vështirë të gjesh një vend akomodimi nëse nuk e rezervon disa ditë më parë. Po ashtu edhe muaji shtator është i gjithi i rezervuar” tha ndër të tjera gazetari./abcnews.al
