Andi Ismaili është gjimnazisti nga Gostivari që është shpallur kampion bote në vallëzimin modern. Ai ka triumfuar në shumë gara, ku më e fundit ka qenë në Poloni.
Në një lidhje me Skype për “ABC e Mëngjesit”, Andi ka treguar se gara ishte tepër e vështirë, megjithatë ai nuk u dorëzua. Sakaq, ka theksuar baleti tashmë është gjithë jeta e tij.
“Më janë dashur shumë prova. Kisha frikë se nuk do ia dilja, pasi ishin të gjitha vajza, por fitova.
Ishte e vështirë, por unë mendoj që çdo gjë ndodh për një arsye. Unë jetoj në Gostivar, kam pasur disa oferta, por jam duke i përzgjedhur. Po pres të mbaroj një herë shkollën e mesme këtu.
Ndjehem mirë, por mundohem të jem modest, më ndodh ndonjëherë edhe prej moshës ku egoja ime shfaqet. Jeta ime tashmë është baleti, e kam vulosur. E falënderoj zotin që kur e kam bërë këtë”, u shpreh Andi./abcnews.al
