Ministri gjerman i Financave, Christian Lindner, ka deklaruar se ata që dalin në pension në moshën 63-vjeçare duhet të punësohen në punë me kohë të pjesshme.
Në një intervistë me ‘Funke Mediengruppe’, Lindner argumentoi se pensionistët 63-vjeçar para së gjithash kanë marrë një bonus.
“Ka miliona njerëz që janë të disponueshëm për tregun e punës, por që jetojnë me përfitime sociale. Ne duhet t’i inkurajojmë këta njerëz që të hyjnë në tregun e punës me të paktën një punë me kohë të pjesshme”, tha Lindner.
Duke iu përgjigjur kërkesave të disa ekonomistëve për më shumë orë pune për të ruajtur nivelin e mirëqenies së vendit, Linder tha se “pse nuk krijojmë stimuj që njerëzit të punojnë më gjatë në vend që të financojnë pensionin e tyre në moshën 63-vjeçar”.
Ministri gjerman hodhi poshtë propozimet për një javë pune 4-ditore në vend, duke theksuar se debatet rreth javës 4-ditore të punës nuk do ta ndihmojnë Gjermaninë të financojë standardet e saj sociale dhe normat mjedisore në afat të gjatë.
Aktualisht, mosha e daljes në pension në Gjermani është 65-vjeç, por gradualisht po rritet në 67.
