Ditët e fundit, disa politikanë gjermanë kanë bërë thirrje për një zonë ndalim-fluturimi mbi Ukrainë, të zbatuar nga NATO.
Një zëdhënës i qeverisë gjermane e ka hedhur poshtë nocionin, duke thënë se qëndrimi i saj nuk ka ndryshuar që kur aleanca e refuzoi për herë të fundit kërkesën.
“Ne e refuzuam atë në atë kohë dhe mendoj se e njëjta vlen edhe për kërkesat e ndryshme që po bëhen tani,” tha zëdhënësi.
NATO hodhi poshtë një kërkesë të Ukrainës për zonën e ndalim-fluturimit në mars 2022, disa ditë pasi filloi pushtimi i Rusisë.
Në atë kohë, sekretari i përgjithshëm Jens Stoltenberg e arsyetoi vendimin me bazën se “ne nuk jemi pjesë e këtij konflikti”.
“Ne kemi një përgjegjësi si aleatë të NATO-s për të parandaluar që kjo luftë të përshkallëzohet përtej Ukrainës,” tha ai.
/abcnews.al
