Konsumi i birrës në Gjermani, dikur pija e preferuar e vendit, ra me 4.5 për qind në vitin 2023 pas një rikuperimi të shkurtër pas pandemisë Covid, njoftoi Zyra Federale e Statistikave në Wiesbaden.
Ndërsa një rritje prej 2.8 për qind u regjistrua në vitin 2022 pas një rënie pothuajse dyvjeçare gjatë pandemisë së koronavirusit, në vitin 2023 konsumi i birrës ra përsëri me 4.5 për qind, në një total prej 8.4 miliardë litrash.
“Kjo vazhdon trendin e rënies së konsumit të birrës në Gjermani që filloi përpara pandemisë së koronavirusit”, njoftoi zyra.
Birra joalkoolike dhe birra e importuar nga vende jashtë Bashkimit Evropian nuk përfshihen në statistika.
Përfaqësues të rreth 1500 fabrikave të birrës në Gjermani shprehën shqetësimin e tyre për vazhdimin e trendit të uljes së konsumit të birrës./abcnews.al
