Mbretëresha Elizabeth II, e cila do të qendrojë për më shumë se dy javë në regjim, është “në formë shumë të mirë”, tha kryeministri Boris Johnson në samitin e G20 në Romë gjatë një interviste
“Kam folur me të dhe ajo është në formë shumë të mirë”, tha kreu i qeverisë britanike në një intervistë për kanalin britanik Channel 4, duke i qetësuar të gjithë.
“Ajo thjesht duhet të ndjekë këshillat e mjekëve të saj dhe të pushojë pak”, vazhdoi Boris Johnson.
Mbretëresha, e cila kaloi një natë në spital javën e kaluar për t’iu nënshtruar “ekzaminimeve paraprake”, sipas kushteve të Pallatit Buckingham, duhet të anulojë pjesëmarrjen e saj në festivalin e përkujtimit më 13 nëntor, i cili u bën homazh i ushtarëve britanikë.
Regjimi më 20 tetor
Mbretëresha vendosi të pushonte më 20 tetor, një ditë pas një pritjeje në Kështjellën Ëindsor ku ajo u shfaq duke biseduar me kryeministrin e saj Boris Johnson dhe biznesmenin amerikan Bill Gates. Dalja e saj e fundit në sytë e publikut daton të enjten, më 28 tetor, kur ajo i dha medaljen e artë për poezi poetit anglez David Constantine gjatë një seance videokonferencë. Një video 24 sekonda e transmetuar nga pallati e tregon atë duke buzëqeshur, duke diskutuar përmes ekraneve të ndërlidhura me poetin.
Elizabeth II, bashkëshorti i së cilës Princi Philip vdiq prillin e kaluar në moshën 99-vjeçare, së fundmi u pa duke ecur me bastun, për herë të parë që nga viti 2004, ku ajo kishte përdorur një bastun pas një operacioni në gju.l.k/abcnews.al
