Në Pezë të Vogël është gjetur i djegur një automjet.
Automjeti i djegur, dyshohet që të jetë i autorëve të vrasjes që ndodhi mbrëmjen e së enjtes tek “Komuna e Parisit”.
Bëhet fjalë për një makinë tip mercedez benz, me portobagazh me targa AA 829 që në fakt i përkasin një automjeti tip renault.
Brenda makinës tip “mercedez benz” është gjetur edhe një armë e tipit MP5 me silenciator.
ABC News ka mësuar se makina “mercedez benz” është e vjedhur në qytetin e Kukësit, ndërsa targat në Lezhë.
Zona është rrethuar nga forca të shumta policie dhe grupi hetimor është duke bërë veprimet e nevojshme për këqyrjen e vendit të ngjarjes.
LEXO edhe: EMRI / Ekzekutimi mafioz në Tiranë, ky është 40-vjeçari i vrarë, policia jep detajet
Mbrëmjen e sotme u ekzekutua Hekuran Billa, 40 vjeç nga Kukësi.
Ai u gjet i vdekur brenda një makinë të bardhë tip “BMWX6”. Raportohet se viktima ka precedentë të mëparshëm penalë. /abcnews.al/
