Një qytetar derisa po i pastronte varrezat me rastin e festës së Bajramit, ka hasur në mbetje mortore.
Rasti ka ndodhur në fshatin Leshan të komunës së Suharekës. Lajmin e ka konfirmuar zëdhënësi i policisë për rajonin e Prizrenit Vesel Gashi.
Gashi tha se nuk dihet se cilës periudhë kohore i takojnë ato eshtra.
“Një banor i fshatit i cili tradicionalisht i pastronte varrezat për Bajram, ka hasur në mbetje mortore. Ai e ka njoftuar menjëherë policinë. Në vendin e ngjarjes kanë dalur njësiti i krimeve të luftës dhe Instituti i Mjekësisë Ligjore dhe i kanë tërhequr ato”.
“Tani me rastin po merret njësiti i krimeve të luftës. Eshtrat janë dërguar në IML. Nuk dihet se cilës periudhe kohore i takojnë ato eshtra”./Express
