Kur Shqipëria dhe Italia dakordësuan ndërtimin e kampit të refugjatëve në Gjadër të Lezhës, banorët e këtij fshati u shprehën skeptikë dhe jo të gjithë e mirëpritën.
Por gjërat ndërruan kryekëput me kalimin e javëve pasi investimi ka zhvilluar zonën dhe ka fuqizuar ekonomitë e banorëve.
Aleksander Preka, Kryetar i Fshatit Gjader tregon se janë me dhjetëra banorë të Gjadrit dhe zonave përreth të cilët gjatë këtyre muajve janë punësuar për ndërtimin e kampit.
Banorë të tjerë kanë përfituar nga qiratë e shtëpive që për shkak të kërkesës së lartë nga punonjësit, ata shqiptarë dhe të huaj, janë rritur.
Punimet për kampin që do të presë mijëra refugjatë nisën pranverën e këtij viti dhe pritet të përfundojnë brenda pak javësh./abcnews.al
