Pas fitores ndaj Kastriotit, trajneri i Partizanit Skënder Gega shprehet i kënaqur nga reagimi i futbollistëve. Mbi ndeshjen e radhës me Skënderbeun, tekniku i të kuqve, tha se skuadra do marrë rezultat pozitiv.
Skuadra e Partizanit arriti një fitore të thellë ndaj Kastriotit në ndeshjen e parë të vlefshme për Kupën e Shqipërisë. Një fitore, e cila ia lehtëson të kuqve kualifikimin në turin tjetër. Trajneri i Partizanit Skënder Gega mbeti i kënaqur nga reagimi i lojtarëve të tij. Sa i përket merkatos, trajneri tha se shpreson që të ofrohet ndonjë lojtar që mund të bëjë diferencën.
Në lidhje me rinovimin me Partizanin, Trajneri gega tha se është mirënjohës lojtarëve, stafit drejtues dhe ndihet mjaft i lumtur për zgjatjen e kontratës.
Ndeshja e parë e fazës së tretë, Partizani do ta luajë në transfertën e Skënderbeut këtë të premte. Për trajnerin Gega, ky takim është shumë i fortë, por është i sigurtë që skuadra do të marrë rezultat pozitiv./abcnews.al
