Në Konispol e njohin si mjeshtër të punimeve me gur e dru. Urim Arapi është 80 vjeç. Puna nuk e lodh as në këtë moshë.
Çdo ditë e gjen në punishten e tij, me daltë e çekiç në duar duke iu dhënë formë gurëve e druve. Zanatin e nisi në rini.
Në diktaturë tregon se bashkë me një mik të ngushte u arratis nga Shqipëria drejt Greqisë.
Nuk qëndruan dot larg familjes dhe vendosën të riktheheshin në Shqipëri edhe pse të vetëdijshëm për pasojat që i prisnin.
Pavarësisht presionit të hetuesve nuk i treguan emrat e atyre që i ndihmuan të kalonin kufirin. Arratisja i kushtoi jo pak por 7 vite burg.
As pas hekurave nuk hoqi dorë nga pasioni. Tregon se punimet e tij befasuan oficerët e komandantët. Pas 7 vitesh burg fitoi lirinë.
Ka realizuar shumë punime, por më i veçanti për të mbetet skulptura e Vasiliqisë që ja kishte kërkuar një mjeshtër nga Filati, vend ku ka lindur edhe Vasiliqia e Ali Pashë Tepelenës.
Punishten e Urimit e njohin të gjithë në Komispol. Thotë se atje shkojnë shqiptarë e të huaj për të blerë veprat apo objektet e realizuara nga ai.
Tradita e punimeve në dru dhe gur dikur shumë e përhapur në Shqipëri është zbehur me kalimin e viteve por Urimi thotë se sa te ketë jetë nuk do ndalet se ushtruari mjeshtërinë e tij./abcnews.al
