Pas vendimit të Gjykatës Kushtetuese, ish-kryeministri Sali Berisha ka thirrur mbështetësit e tij në shesh. Në një intervistë në “Ora e Fundit” në ABC News, gazetari Flogert Muça u shpreh se ish-kryeministri Sali Berisha nuk ka hequr dorë nga shantazhet publike dhe kërcënimet ndaj personave që thonë të vërtetën, qofshin ato edhe brenda partisë.
“Shqetësuese është shantazhi publik, një kërcënim që doktori ia bën Ivi Kasos dhe nuk e ka vetëm me Ivin. Fakti që e bëjnë publik është një mesazh për të gjithë që kush do të ketë guxim që do të dalë kundër Berishës apo familjes Berisha, fatin do e ketë më keq se ky i Ivi Kasos. Ivi Kasos i bëri një linçim publik vetëm pse tha një të vërtet. Thelbi është një shantazh që një kryetar partie i bën një anëtari partie vetëm pse thotë një të vërtetë”, tha më tej gazetari Muça.
Gjithashtu ai komentoi edhe takimin e Lulzim Bashës në Presidencë, për t’u konsultuar për datën, edhe pse është vetëm një deputet pa parti.
“Ai po i thotë gjithë demokratëve se ndoshta e faza që do të bashkohet me doktorit. Pra ai këtë gjë tani nuk e fsheh po e thotë hapur dhe është në dorë të demokratëve për ta pranuar apo jo”, ka thënë ai.
/abcnews.al/
