Koke është një prodhim i Atletico Madrid, me ekipin e parë luan që në janarin e vitit 2011, teksa prej vitesh mban shiritin e kapitenit te “Colchoneros”.
Mesfushori fitoi LaLiga-n sezonin e kaluar në Spanjë me shokët e tij, teksa dëshiron të njëjtin sukses edhe sivjet.
Atletico e filloi me një fitore në fushën e Celta Vigos mbrojtjen e titullit, 29-vjeçari spanjoll kërkon titullin e radhës dhe ka një mesazh për rivalët.
“Duam të fitojmë titullin kampion si në sezonin e kaluar, e dimë që duhet të punojmë tmerrësisht fort për t’ia arritur, por jemi gati.
Sezoni është tepër i gjatë. Unë jam një tip që gjithmonë tentoj të luftoj në fushë, dua të fitoj ndeshjet dhe ta shoh Atleticon duke fituar“, deklaroi kapiteni i ekipit kryeqytetas. /abcnews.al
