Gati të hiqet goli jashtë pas 55 vitesh, klubet gjejnë akordin mes tyre

Prej kohësh po diskutohet në lidhje me heqjen e rregullit të golit jashtë fushe. Gjithçka nisi në sezonin e largët 1965/1966, që përkon me herën e parë që UEFA vendosi të aplikojë një gjë të tillë, duke i dhënë një farë favori skuadrave udhëtuese.

Sigurisht që të eliminohesh nga një kompeticion pas dy barazimeve, pra pa pësuar asnjë humbje, është shumë e dhimbshme. Shumë klube kërkojnë heqjen e këtij rregulli, veçanërisht tani që po luhet me stadiume të zbrazëta dhe ndryshimi mes ndeshjeve brenda e jashtë është minimal.

NEW: UEFA clubs competitions committee decides to scrap away goals rule in European football. Now needs ExCo approval.

— Martyn Ziegler (@martynziegler) May 28, 2021

Shoqata e klubeve ka gjetur akordin dhe ka vendosur pro heqjes së rregullit të golit jashtë fushe. Tani pritet vendimi përfundimtar i Komitetit Ekzekutiv të UEFA-s. /abcnews.al