Javën e ardhshme pritet të vijnë emigrantët e parë nga Italia, në qendrat e ngritura në Shëngjin dhe Gjadër.
Gazetari i ABC News, Gjergj Figuri raporton se kapaciteti maksimal i emigrantëve që mund të vijnë javën e ardhshme, është 400, pasi ende janë duke u kryer punime në këto qendra.
“Duke filluar prej javësh së ardhshme, do mund të vijnë edhe refugjatët e parë. Nga dita e nesërme, është ftuar personeli që do të punojë në këtë qendër pritëse. Siaps informacioneve nga burimet brenda kampit, javën e ardhshme mund të kemi prurjet e para të emigrantëve. Do të jenë të limituara, sepse ka ende punime që duhet të kryhen. Të paktën, edhe ky vit nuk do të ketë akomodim të plotë të këtyre refugjatëve. mbetet për t’u konfirmuar nëse do të kemi ardhjet e para javën që vjen. Jemi në hapat e parë të konkludimit të mbërritjes së refugjatëve të parë. Kanë qenë përfaqësues të amabsadës italiane që kanë konfirmuar prezencën e tyre në Shëngjin.
Nuk ka ende një numër, intensiteti maksimal aktual, është 400 vende. Vazhdojnë punimet për strukturat e tjera pritëse, mund të duhen edhe dy ose tre muaj që këto punime të përfundojnë. Drejtues do të jenë të gjithë përfaqësues të shtetit italian, janë punonjësit shqiptarë që do të kryejnë shërbimet e nevojshme”, raportoi gazetari Figuri./abcnews.al
