Reperi me origjinë shqiptare, Gashi i cili prej vitesh jeton në Shtetet e Bashkuara po punon për të sjellë projektin e tij më të ri, që do të jetë një bashkëpunim me këngëtaren shqiptare, Njomza, e cila gjithashtu jeton në SHBA.
Por, për shkak se është angazhuar shumë tek muzika, Gashit i është dashur të mos kalojë kohë mjaftueshëm me familjen. Në një reagim në Instagram, reperi thotë se koha që ka kaluar së fundmi me prindërit e tij, e ka bërë atë që të kuptojë rëndësinë e vërtetë të tyre.
“Prindërit e mi fluturuan për të më vizituar në Los Angeles, ishin 2 javët më të mira të gjithë jetës sime. Asnjë sukses apo shumë parash nuk mund të zëvendësonin ndjenjën që përjetova me ta. Unë kam qenë aq i fokusuar në punë edhe gjatë pandemisë botërore. Isha shqetësuar për lançimin e albumit 1984 sepse ka kaq shumë gjëra që ndodhin në botë tani që është më rëndësishme se lansimi i këngëve të reja.
Kam pasur kaq shumë sukses në vitet e fundit, kam fituar para, por kurrë në të vërtetë nuk kam kaluar pushime apo kohë në shtëpi, sepse gjithmonë jam mbyllur në studio … Por këto dy javë të fundit më bënë të shoh se sa e rëndësishme është familja ime.”, shkruan Gashi në Instagram.
