Gary Lineker, prezantuesi i njohur i programit sportiv të BBC-së, “Match Day”, ka reaguar pas “uraganit” që krijoi me anë të një postimi në Twitter.
BBC e ndëshkoi duke mos e lënë të prezantonte në fundjavë ndeshjet e Premier League, por ky vendim i kushtoi shumë kompanisë pasi edhe kolegët e tij bojkotuan në mbështetje të Lineker.
Së fundmi, para disa minutash, Lineker ka reaguar përsëri me disa postime në Twitter këtë herë duke konfirmuar rikthimin në fundjavën e ardhshme.
“Pas disa ditësh surrealiste, jam i kënaqur që kemi kaluar një rrugë përmeës kësaj. Dua t’ju falenderoj të gjithëve për mbështetjen e jashtëzakonshme, veçanërisht kolegët e mi në BBC Sport, për solidaritetin e treguar. Futbolli është një lojë ekipore, por mbështetja e tyre ishte më e madhe.
Kam prezantuar sportin në BBC për gati 3 dekada dhe jam pa masë krenar që punoj me transmetuesin më të mirë dhe më të drejtë në botë. Mezi pres të kthehem në karrigen e “Match of the Day” të shtunën.
Një mendim të fundit, sa do të vështira të kenë qenë ditët e fundit, thjesht nuk krahasohet me detyrimin për të ikur nga vendi yt prej persekutimit apo luftës për të kërkuar një strehim në një vend të largët. Është emocionuese të kesh parë ndjeshmërinë ndaj gjendjes së tyre të vështirë nga shumë prej jush. Ne mbetemi një vend i njerëzve kryesisht tolerantë, mikpritës dhe bujarë. Faleminderit”, shkruan Lineker./ h.ll/abcnews.al
After a surreal few days, I’m delighted that we have navigated a way through this. I want to thank you all for the incredible support, particularly my colleagues at BBC Sport, for the remarkable show of solidarity. Football is a team game but their backing was overwhelming. 1/4
— Gary Lineker ?? (@GaryLineker) March 13, 2023
