Policia ka marrë masa të forta sigurie për protestën e sotme, në pritje të ndonjë reagimi të fortë të qytetarëve sot pas dhunës së djeshme të efektivëve ndaj gazetarëve dhe protestuesve në shesh.
Aktualisht në tarracat e ministrive përreth Bulevardit “Dëshmorët e Kombit” janë vendosur efektivë të Forcave Speciale RENEA si edhe punonjës të tjerë të forcave të rendit.
Madje, siç duket edhe në fotot e siguruara nga abcnews.al ata kanë filluar të filmojnë që tani pjesëmarrësit në protestë, si një masë paraprake.
Abcneës.al mëson se ndryshe nga protestat e tjera, kësaj radhe nuk do të lejohet që dronët të fluturojnë mbi godinat e ministrive për shkaqe sigurie. Në brendësi të institucioneve përreth protestes janë futur gjithashtu punonjës të Gardës së Republikës.
Masa të forta sigurie janë marrë gjithashtu edhe tek godina e kryeministrisë, ndërsa kryeministri Rama gjendet tani tek teatri i Operas dhe Baletit. /abcnews.al
