Eva Mendes po inkurajon njerëzit të vlerësojnë veten e tyre në çdo etapë të jetës. 47 vjeçarja ka rrëfyer për herë të parë se ndihej keq me veten në fillimet e saj të karrierës si aktore. Si një 26 vjeçare, ajo tregoi se nuk i pëlqente fytyra dhe e kritikonte shpesh pamjen e saj.
“Sapo hasa në këtë fotografi nga një film që ishte gati 20 vjet më parë. Mbaj mend që pashë këtë foto në atë kohë dhe mendova se fytyra dhe struktura e kockave dukej e çuditshme…e dini, gjithë ato pasiguri që një 26 vjeçare mund të ketë.”, shkroi nëna e dy fëmijëve.
Megjithatë, kjo e ka bërë të reflektojë dhe ta pranojë veten ashtu siç është. Më parë, aktorja u shpreh se ndërsa po shkon drej të 50-ave, tha se ndihej krenare që po plaket. “Faleminderit Zotit që po plakem. Kjo do të thotë që jam akoma këtu. Unë do të bëhem 46 shpejt dhe mirënjohëse çdo ditë që jam duke u plakur.”, tha aktorja. /abcnews.al