Tiranë- Kandidati i PS Xhemal Qefalia u shpreh besimplotë se do të arrijë sërish të ketë besimin dhe të marrë votën e qytetarëve.
Gjatë intervistës në “News Line” në ABC News, ai theksoi se duke qenë se nuk e ka ndërruar zonën, vota do të shkojë për numrin 5 dhe kandidatin Qefalia, ndërsa nënvizoi se nuk i ka braktisur asnjëherë qytetarët.
“Natyrisht është një garë e vështirë, por edhe një garë e bukur. Kam bindjen që qytetarët do të dinë të besojnë serish, pasi kam qëndruar me to në hapa të vazhdueshëm. Nuk jam në kontakt me to vetëm gjatë zgjedhjeve. Qytetarët padyshim që do votojnë numrin 5 dhe Qemal Qefalinë që nuk i ka braktisur asnjëherë. Unë jam krenar që nuk e kam ndërruar zonën dhe nuk i kam braktisur qytetarët. Unë jam aty, kam qenë aty dhe do mbetem aty sepse jam në shërbim të qytetarëve. Besoj sërish që do të më votëbesojnë që jem zëri i tyre. Të gjithë luftojmë që PS të jetë në qeverisje për të vazhduar atë ambicie që kemi. Votëbesimi më i madh do jetë për mua dhe pse nuk dua të bëj fushatë, por jam ndër të rrallët që nuk e kam ndërruar zonën dhe i kemi dëgjuar banorët për shqetësimet që kanë patur dhe kemi interferuar për të zgjidhur probleme e tyre. Mund të them që e mira do të ishte që gara të ishte e barabartë për të gjithë, por për aq kohë sa kemi këtë kod, ku PD insistoi me forcë, sepse nuk mund të hynim në garë duke bërë rregulla të njëanshme. PS ka zgjedhur këtë mekanizëm që është një gjë shumë pozitive”, tha ai.
/abcnews.al/
