FSK pjesë e misioneve paqeruajtëse, Meta: Kosova e meriton plotësisht të jetë anëtare e NATO-s

schedule10:06 - 6 Janar, 2021

schedule 10:06 - 6 Janar, 2021

Presidenti Ilir Meta ka përshëndetur vendimin historik të Parlamentit të Kosovës për të autorizuar Forcën e Sigurisë së Kosovës të marrë pjesë në misionet paqeruajtëse në botë

Meta përmes një postimi në Facebook shkruan se Kosova Kosova dëshmon qartë çdo ditë se është jo vetëm një faktor i rëndësishëm për paqen, stabilitetin e sigurinë në rajon, por edhe promovuese e këtyre vlerave në botë.

Ndër të tjera ai thekson se Kosova e meriton plotësisht të jetë sa më parë anëtare e NATO-s

“Përshëndes vendimin historik të Parlamentit të Kosovës për të autorizuar Forcën e Sigurisë së Kosovës të marrë pjesë në misionet paqeruajtëse në botë, në bashkëpunim me ushtrinë amerikane.

Kosova dëshmon qartë çdo ditë se është jo vetëm një faktor i rëndësishëm për paqen, stabilitetin e sigurinë në rajon, por edhe promovuese e këtyre vlerave në botë.

Kosova e meriton plotësisht të jetë sa më parë anëtare e NATO-s dhe do të ketë mbështetjen e pakursyer të Shqipërisë në këtë drejtim”, shkruan Meta./abcnews.al