Federata Shqiptare e Futbollit thotë se nuk ka një vendim refuzimi apo konstatimi të paligjshmërisë së zgjedhjeve të fundit të organeve drejtuese të saj nga Gjykata e Tiranës.
Ky është reagimi i FSHF-së pasi Gjykata e Tiranës nuk regjistroi Presidentin Armand Duka dhe nëntë anëtarët e Komitetit Ekzekutiv të saj.
Ajo sqaroi përmes një njoftimi për shtyp se, “Legjislacioni në fuqi kërkon që këto akte të regjistrohen në Gjykatën e Tiranës, dhe nga ana e saj, gjyqtarja e çështjes ka kërkuar vetëm disa plotësime në dokumentacionin e kërkuar, të cilat shumë shpejt do t’i vihen në dispozicion”.
Pasi të plotësohet dokumentacioni i kërkuar, Federata Shqiptare e Futbollit thotë se do t’i ridrejtohet gjykatës për të regjistruar vendimin e Asamblesë Zgjedhore të 7 Shkurtit të vitit 2017./abcnews.al
