Një përshkallëzim i papritur në konfliktin mes Izraelit dhe Hamasit është vrasja e liderit politik të organizatës palestineze, Ismail Haniya në Teheran, në një pikë kthese kritike për zhvillimin e negociatave në Lindjen e Mesme.
Tashmë, që në momentet e para të njoftimit për vdekjen e liderit të organizatës, zyrtarët e Hamasit deklarojnë se vrasja e Ismail Haniya “nuk do të mbetet e pandëshkuar”, duke u zotuar për hakmarrje të menjëhershme.
Nga ana e Hamasit, flitet për një “akt frikacak që nuk do të mbetet pa u ndëshkuar”, veçanërisht kur Haniya u vra gjatë vizitës së tij në Teheran, për betimin e Presidentit të vendit, Massoud Pezheskian.
Ismail Haniya drejtoi operacionet politike të Hamasit gjatë kohës që jetonte në mërgim në Katar, ndërsa konsiderohet si personi më i rëndësishëm nga pala palestineze për nxitjen e negociatave me Izraelin, si dhe shkëmbimin e pengjeve.
Kryesisht, megjithatë, vrasja e Ismail Haniya vjen disa orë pasi Izraeli goditi Bejrutin, duke rezultuar në vdekjen e Muhsin Shukr, i njohur si Fouad Shukr, kreu i krahut operacional të Hezbollahut, si hakmarrje për sulmin me raketa në Lartësitë Golan gjatë fundjavës, ku 12 persona u vranë.
Në këtë këndvështrim, eliminimi i udhëheqjes të dy organizatave brenda 24 orëve nga izraelitët “ngre frikën për konflikt të mëtejshëm në rajon” sipas rrjeteve ndërkombëtare të lajmeve, duke lënë të hapur mundësinë që edhe grupe të tjera të përfshihen në konfliktin dypalës.
Aq më pak kur konfrontimi midis Izraelit dhe Hezbollahut po përshkallëzohet, duke shkaktuar shqetësim për mundësinë e përgjithësimit të konfliktit ekzistues në një luftë rajonale, ndërsa luftimet midis Izraelit dhe Hamasit në Gaza janë të ndezura, ku popullsia e tij jeton në kushte krize humanitare.
Duhet të theksohet se pala izraelite është zotuar të “shkatërrojë” anëtarët e lartë të udhëheqjes së Hamasit, pas bastisjes së 7 tetorit pranë kufirit Izrael-Gaza, që shkakoit 1200 të vdekur.
/abcnews.al
