Raportet për përdorimin e armëve kimike në Mariupol kanë qarkulluar në mbarë botën, me luftimet e ashpra midis Rusisë dhe Ukrainës, që janë duke vazhduar.
Edhe pse ankesa për përdorim të lëndëve kimike nuk është konfirmuar ende nga zyrtarët perëndimorë, as nga Britania e Madhe e as SHBA-të , shqetësimet dhe dyshimet janë të mëdha.
Sipas London Times, qeveria britanike po heton akuzat e bëra për përdorimin e armëve kimike në Ukrainë.
Hetimi u bazua në një deklaratë të një përfaqësuesi të separatistëve pro-rusë, i cili nuk përjashtoi një sulm kimik për të dëbuar mbrojtësit e qytetit.
Sekretarja e Jashtme britanike Liz Tras tha në një postim në Twitter se kishte raporte për përdorimin e armëve kimike në një sulm në Mariupol dhe se këto raporte po hetoheshin si çështje urgjente. “Çdo përdorim i armëve të tilla është një përshkallëzim i papranueshëm i konfliktit “Putini dhe regjimi i tij do të mbajnë përgjegjësi”, tha ajo.
Përveç kësaj, Zelensky përsëriti se vendi i tij nuk ka armët e nevojshme për të çliruar Mariupolin e rrethuar, i cili rrezikon të bjerë në duart e trupave ruse. ” Nëse do të kishim luftëtarë dhe armaturë të rëndë , artileri të nevojshme, do t’i kishim arritur,” tha ai. “ Jam i sigurt se do të marrim pothuajse gjithçka që na nevojitet.
Por koha nuk humbet kot. Jetët e ukrainasve po humbasin. “Jetë që nuk do të kthehen më”, shtoi ai./abcnews.al/
