Franca ka vendosur përdorimin e vaksinës Johnson & Johnson kundër Covid-19.
Pavarësisht pezullimit nga ana e Shteteve të Bashkuara të Amerikës, Franca ka vendosur për administrim të kësaj vaksine.
Zëdhënësi i qeverisë njoftoi se Franca ka marrë dërgesën e parë prej 200, 000 dozash.
Ndërkohë deri në fund të muajit pritet që të marrë 600,000 doza të vaksinës J&J.
Procesi i vaksinimit është kritikuar se po zhvillohet në mënyrë të ngadaltë, ndërsa autoritetet shëndetësore synojnë përshpejtimin e vaksinimit me qëllim që deri në mes të qershorit 30 milion njerëz të kenë marrë një dozë të vaksinës Covid-19.
/abcnews.al/
