Franca ka bërë thirrje për një armëpushim të menjëhershëm dhe të qëndrueshëm në luftën Izrael-Hamas, duke thënë se është thellësisht e shqetësuar për situatën në Gaza. Ministrja e Jashtme, Catherine Colonna tha se shumë civilë po vriteshin ndërsa homologu izraelit tha se armëpushimi do ishte një ‘dhuratë’ për Hamasin.
Britania e Madhe dhe Gjermania bënë thirrje më herët për një “armëpushim të qëndrueshëm”, por nuk thanë se duhet të ishte i menjëhershëm. Colonna mbërriti në Tel Aviv të dielën për një takim me homologun e saj izraelit Eli Cohen, i cili përsëriti qëndrimin e qeverisë izraelite se nuk do të kishte armëpushim.
Por ai tha se Franca mund të luajë një rol të rëndësishëm në parandalimin e përshkallëzimit të tensioneve rajonale. Ai shtoi se ndërsa Izraeli “nuk ka ndërmend të fillojë një front tjetër” në kufirin e saj verior me Libanin, do të bënte “çfarëdo që të duhej” për të mbrojtur qytetarët izraelitë./abcnews.al
