Franca ka vendosur kufizime më të rrepta për shkak të përhapjes së Omicron. Duke filluar nga 3 janari, puna në shtëpi do të bëhet e detyrueshme dhe tubimet publike do të kufizohen në 2000 persona.
Ky vendim vjen pasi vendi regjistroi mbi 100,000 raste të shtunën- numri më i lartë i të infektuarve që nga fillimi i pandemisë. Gjithashtu vendet në të gjithë Europën po shtrëngojnë masat për shkak të përhapjes së Omicron.
Studimet sugjerojnë se varianti është më i butë se Delta, dhe ka 30% deri në 70% më pak gjasa që të infektuarit të shtrohen në spital.
Franca ka regjistruar 9,146,451 raste dhe 122,898 viktima që nga fillimi i pandemisë.
/abcnews.al
