Një sërë fotosh të publikuara në kanalin Telegram të Regjimentit Azov këtë mëngjes tregojnë kushtet e mjerueshme të ushtarëve të plagosur ukrainas të strehuar nën fabrikën e çelikut Azovstal në Mariupol, sipas The Guardian.
Imazhet rrëqethëse zbulojnë tmerrin e një ‘spitali’ të improvizuar brenda fabrikës ku ushtarët po marrin trajtim. Fotot u publikuan krahas një deklarate ku ata bënin thirrje për ndihmë.
“E gjithë bota e qytetëruar duhet të shohë kushtet në të cilat janë ushtarët e të Mariupolit dhe të veprojë!
Në kushte krejtësisht josanitare, me plagë të fashuara me mbetje fashash jo sterile, pa mjekimin e nevojshëm dhe madje pa ushqim.
I bëjmë thirrje OKB-së dhe Kryqit të Kuq të tregojnë humanizmin e tyre dhe të riafirmojnë parimet bazë mbi të cilat u krijuat duke shpëtuar të plagosurit që nuk janë më luftëtarë. Ushtarët që shihni në foto dhe qindra të tjerë në uzinën Azovstal mbrojtën Ukrainën dhe të gjithë botën e qytetëruar me koston e shëndetit të tyre.
A janë Ukraina dhe komuniteti botëror tani i paaftë për t’i mbrojtur dhe kujdesur për ta?
Regjimenti u lut për “evakuimin e menjëhershëm të ushtarakëve të plagosur në territoret e kontrolluara nga ukrainas”, ku ata mund të ndihmohen dhe t’u sigurohet kujdesi i duhur.
/abcnews.al
